الكاتبة هبة الله يوسف محمود تكتب متشتغلش منقذ

 

 

بقلم / أبرار إبراهيم

-عمرك سألت نفسك وقولت إن ممكن يكون شخص معين اتلاعب عليك أو كذب عليك لدرجة أنك نفذتله اللي هو عاوزه من غير تحس؟

بمعنى تاني اتعرفت على شخص وكان كويس جدًا وفاجئة اتغير وزي ما بنقول ظهر على حقيقته؟

في ناس هتقول يااه كتير.

اللي حصل معاك ده ممكن يكون اسمه التلاعب النفسي، تعالى معايا نكلم عن نبذة عنه.

-مع ظهور وانتشار مشاكل الأزواج من نوعية ده كان شخص غير اللي موجود دلوقتي إزاي اتحول كده!

هو متحولش هو ممكن يكون عمل حاجة اسمها التلاعب النفسي، طب إيه هو؟

التلاعب حسب دكتور توماس إريكسون هو يعني محاولة لتغيير الأمور بإدراك ووعي ويكون الدافع هنا هو المصلحة الذاتية.

يعني المتلاعب بيكون واعي أنه بيتلاعب باللي قدامه وبيكون همه هو مصلحته الشخصية فقط.

-أما بقى التلاعب النفسي هو نوع من أنواع التأثير الأجتماعي وهدفه تغيير سلوك الآخرين لصالحه من خلال استخدام وسائل خفية وخادعة أو اللجوء إلى التجاوزات النفسية والجسدية.

كده عرفنا يعني إيه تلاعب وتلاعب نفسي.

طب تفتكر نسبتهم قد إيه؟ حسب دكتور روبرت دي خير قال أن نسبته‍م على الأقل 2%، ودكتور جون كلارك قال في كتاب العمل مع الوحوش أن نسبتهم يمكن أن تصل إلى 6%، وقال بردو عالم النفس السويدي سيغفارد بينغ أن نسبتهم من 4 إلى 5% بس في مصادر تانية بتأكد أن نسبتهم أكبر من كده، بالمناسبة ممكن تقول 2% نسبة قليلة بس الدراسة اتعملت على السويد يعني ممكن نقول 2% دول ممكن نقول أنهم 7 مليون شخص!! أنت متخيل الرقم!!

بس تتخيل المتلاعب ممكن ينفذ تلاعبه ده على مين؟

حسب كتاب محاط بالمرضى النفسيين تم ذكر أن المتلاعب يقدر يمارس تلاعبه ده على القريبين منه زي:

1-افراد العائلة.

2-الزوج/الزوجة.

3-شريك السكن.

4-حبيب/حبيبة.

5-العلاقات في أماكن العمل.

6-العلافات المهنية.

طب واشمعنى دول بالذات؟ اتقال في الكتاب أن دول اللي بيقدروا ينفذوا لينا بسهولة ويقدروا يقودونا إلى مبتغاهم.

-طب كده عرفنا نسبتهم بس تفتكر إيه هي  صفاتهم؟

ذكر دكتور إريكسون 20 صفة منهم:

١-عم تأنيب الضمير.

٢-القسوة وعدم التعاطف.

٣-المكر والتلاعب.

٤-الكذب المرضي.

٥-كمان اتقال بضبط أنهم محميين ضد التوتر وده طبعًا ناتج عن أن لا عندهم تعاطف ولا تأنيب ضمير وحتى لو ظهر منهم ف ده بيكون مزيف مش أكتر.

-اساليبهم كتيرة ومتنوعة جدًا بس أحنا هنذكر منهم شوية.

من ضمن أساليبهم:

١-التعزيز الإيجابي التعسفي: ده هو أنك تكون داعم لشخص وتشجعه بشكل قوي ومرة واحدة تتوقف عن ده بدون سبب يذكر.

٢-قصف الحب: يعني زي حد يقولك أنه مشافش زيك قبل كده وأنه عاوز يقضي بقية حياتهم معاك ويغرقك بحبه واهتمام ومرة واحدة يسحب كل ده منك ويسكت، فيه شبه من الأسلوب اللي قبله بس الأسلوب ده بيتنفذ لما تثق فيه.

٣-العزيز السلبي: وده بيكون لما المتلاعب يوقف أنه يعملك شئ بتحبه عشان أنت عملت شي مش عجبه، شبه كده الحب المشروط.

-ديه بعض الأساليب اللي هنكلم عليها أكتر المرات الجيه بإذن الله.

هكلم في آخر نقطة وهي إزاي تحمي نفسك من التلاعب، من خلال حاجات بسيطة لكن مهمة جدًا وبردو هنكلم فيها أكتر المرات الجيه، وهما:

١-تحسين وعيك الذاتي.

٢-تتعلم عن كيفية التعرف على سلوكيات المتلاعبين.

٣-أنك تحدد مقدار تقديرك لنفسك واحترامك لذاتك.

اتمنى لكم حياة كلها سلام وطمأنينة وصدق، دومتم بخير.🤍✨

بقلم أبرار إبراهيم