بسم الله الرحمن الرحيم
بقلم / صبري إبراهيم ندا
من الموضوعات الخطيره ف مجتمعنا المصري
والمنتشره ف الفتره الاخيره
موضوع مهم جدا
بسببه خربت بيوت وتفرقت أسر
وتشرد اطفال
واتبهدلت زوجات
هنتكلم النهارده تحت عنوان المخدرات بدايه النهايه
السموم البيضاء
انتشرت ف المجتمع كانتشار النار ف الهشيم
مشاكل كتير جدا
مصائب وبلاوي بنسمعها
وف النهايه يقولك بين قوسين تحت تأثير المخدرات
ازاي يعني بنت تغتصب في حمام مسجد
ف نهار رمضان عشان تحت تأثير المخدرات
ازاي يعني زوج يطعن طليقته 22طعنه
أصله تحت تأثير المخدرات
المشكله أكبر من سيجاره أو برشامه
النتائج مرعبه والعواقب وخيمه
كل أطياف المجتمع عليها دور مهم جدا
ازاي أصلا المخدرات والسموم دي بتدخل بلدنا
إيه مصدرها
مين مصلحته أن شبابنا يكون مغيب
حتى علماء الدين والدعاه إلى الله عليهم دور مهم جدا ف نشر مخاطر المخدرات
وتعليم المجتمع كيفيه التقوى والخوف من الله
كل اب وام دورهم مهم انتوا بتربوا اولادكم ازاي
طب انتوا عارفين أن الرسول صلى الله عليه وسلم
قال ... كلكم راع وكلكم مسئول عن رعيته
طب طالما حضرتك وحضرتك عارفين
انكم هتقفوا قدام ربنا
وكل فرد هيكون مسؤول
وطالما حضرتك هتبقى مسؤول يبقى لازم تحضر للسؤال اجابه
طريق ربنا هوا الحل
اننا نخاف من ربنا
من اول فرد بيفكر يدخل السموم بلدنا
لأصغر فرد ف المجتمع
كل شخص عليه مسؤولية
احنا بنطمح بتنميه وتطور وازدهار
والعالم كله يشوفنا اعظم دوله ف العالم
مينفعش أعظم دوله تكون رجالها مغيبه تحت تأثير المخدرات
مينفعش أعظم دوله يكون كل هدف شبابها
إللي هما. قوتها وساعدها
أنه يبقى تفكيره إزاي يجيب سيجاره
لا ياجماعه
النهضه محتاجه رجاله بجد اقوى من المخدرات فعلا
عيب ع كل راجل
وكل شاب أن برشامه
ولا سيجارة تتحكم فيه
يا أخي ده ربنا قال علينا....كنتم خير أمة أخرجت للناس
بذمتك. ينفع خير أمه تكون مخدره
طب الرسول صلى الله عليه وسلم
قال الخير في وفي امتي إلى يوم القيامة
عيب علينا
يكون ده حالنا
لازم نراجع حساباتنا
ونفوق قبل فوات الاوان
استقيموا يرحمكم الله
إرسال تعليق