بقلم الدكتورة/
هدير محمود فايد
اخصائي تربية خاصة وإرشاد أسري وصحة نفسية
إزاي تفهم نفسك كراجل:
اي راجل لازم يفهم أول حاجة: الرجولة مش بس بيولوجيا، دي طريقة تفكير وسلوك
أنت اتولدت ذكر، لكن الرجولة مش مجرد تكوين جسماني، دي شخصية وسلوك ومسؤولية. الرجولة الحقيقية بتظهر في قراراتك، تعاملك مع الناس، وتحملك للمسؤولية.
✔️مميزاتك وعيوبك كرجل
⬅️المميزات:
✅ القوة الجسدية والنفسية → قدرتك على التحمل أكبر من المرأة في جوانب معينة، وده مش معناه إنك ما تحسش أو تعبر عن مشاعرك.
✅ المنطقية والتحليل → الرجل بيميل للتفكير العملي واتخاذ القرارات بعيدًا عن العاطفة الزائدة.
✅ القيادة والحماية → عندك غريزة الدفاع عن أسرتك وحمايتهم، بس ده لازم يكون بحكمة مش سيطرة.
⬅️العيوب (اللي محتاجة توازن):
❌ الكبت العاطفي → كتير من الرجال متعودين يكتموا مشاعرهم، وده بيؤدي لضغط نفسي وعصبية.
❌ العناد وعدم الاعتراف بالخطأ → الرجولة الحقيقية إنك تعرف تعترف وتتعلم من أخطائك.
❌ الميل للسيطرة المطلقة → القيادة حاجة كويسة، بس السيطرة والتسلط بتبوظ العلاقات.
✔️تأثير البيئة والتربية عليك
✅ إزاي أهلك ومجتمعك شكّلوك؟
لو اتربيت على إن الراجل ما يبكيش، هتلاقي صعوبة في التعبير عن مشاعرك.
لو نشأت في بيت الأب فيه مسيطر أو غائب، ده هيأثر على طريقة تعاملك مع زوجتك وأولادك.
لو اتعودت على إن الرجولة معناها الإنفاق بس، مش هتشوف أهمية وجودك العاطفي مع أسرتك.
✅ إزاي تبدأ تفهم نفسك؟
راقب ردود أفعالك في المواقف المختلفة.
اسأل نفسك: أنا بعمل كده ليه؟ ده تصرف نابع مني ولا بسبب تربية أو ضغط اجتماعي؟
جرب تعبر عن مشاعرك بأسلوب متزن بدون خوف أو خجل.
الخلاصة:
الرجولة الحقيقية مش إنك تكون جامد وقاسي، ولا إنك تبقى ضعيف ومستسلم. الرجولة إنك تفهم نفسك، وتشتغل على تحسين شخصيتك، وتوازن بين القوة واللين، وبين العقل والمشاعر.
سؤال هنا ؟
إيه أكتر صفة شايف إنها ميزة فيك كرجل؟
وإيه العيب اللي شايف إنه محتاج شغل عليه؟
إرسال تعليق