بقلم /كوثر اسماعيل
الغيره من اكبر المشاكل اللي بيعاني منها الطفل -
الغيره بيحس بيها الطفل لما بيفقد الاهتمام اللي كان بيحصل عليه
ومن اسباب مشكلة الغيرة عند الاطفال
-احساس الطفل بالنقص بسبب المعامله في البيت وبيزيد الاحساس للاسوء بسبب معاملة الوالدين كمثال بيتهزق دايما لكن اخواته لا
-انانية الأطفال اللي بيبقوا عايزين اهتمام اكبر من الوالدين
-لو في طفل جديد بتبدأ الغيره
- الطفل بيغير لما بيلاقي اطفال تاني معاها حاجات مش معاه فلازم تسالي دايما محتاج ايه من غير ما تزودي في تنفيذ طلباته
- لما تنسي نفسك وتفضلي تشكري في اخواته او اصحاب طفلك قدامه
-حاولي انك تهتمي بطفلك اكتر ومتخليش اي سبب يخليه يغير لان مشكله الغيره في البدايه صغيره لكن بعدين بتتحول لمشاكل نفسيه عند طفلك
وكل واحد يسأل نفسه/ هل طفلك بيغير ولا لا ؟ وايه السبب
معظم الاطفال مش بيعبروا عن غيرتهم دى بالكلام ،
و بتظهر الغيره للاطفال فى مواقف زى :
- وجود مولود جديد .
- مقارنه بين اصحابه او اخواته .
- شعور الطفل بنقص بسبب ظروفه الماديه مقانة باصحابه .
طيب لما يظهر على ولادنا علامات الغيره لازم منك كأم تعملى ايه...؟
فى بعض النصائح /
التشجيع /
دايما معظم تحديات اولادنا بتحصل بسبب عدم تشجعنا ليهم عشان كده لازم نشجع اولادنا دايما و نحفزهم و تقولهم كلام حلو عن نفسهم و نزرع داخله ثقته بنفسه .
اياكى و المقارنة /
بلاش مقارنه ارجوكم بين ولادكم وبين اى حد اصحاب اخوات اى حد ابنك او بنتك شخصيات مستقلة ، ادعموهم نفسيا و نموا فيهم نقط قوتهم و بلاش تركزوا على ضعفهم لان بالتركيز على الشئ يزيد اكتر واكتر .
الشكر /
علموا اطفالكم يشكروا ربنا و يرضوا بامكانيتهم و ظروفهم اياً كانت ، و دايما عرفوه انه مميز فى عيونكم و عيون ربنا .
الحب /
ازرعوا جواهم حب كل الناس و مساعدتهم .
المثابرة /
فهموهم ان عدم نجاهم فى شئ مش نهاية الدنيا ، لازم نجرب تانى و نطور من نفسنا اكتر.
التعبير_عن_الذات /
شجعوهم انهم يعبروا عن نفسهم و يتكلموا معاكم فى كل اللى شاعرين بيه دون اى خجل .
وفيه ملحوظة مهمه جدا :
لو جايلك مولود جديد شاركى ابنك او بنتك الاكبر انه يختار معاكى لبسه و احتياجاته ، خليه يساعدك فى اشياء تخص المولود زى تغير الحفاظه ، خليه يشيله وهو قاعد مده صغيره وانتى واخده بالك ، ازرعى بينهم المحبة وبلاش تقارنيهم ببعض ، حسسى ابنك او بنتك بحبك و اهت
مامك بيه اكتر من قبل المولود .
#اعرف طفلك
إرسال تعليق