بقلم / راندا رشاد
من اول لحظة فى الحياة و احنا بنسعى و نجري هنا و هناك ندور على السعادة ، و في بنات و كنت للاسف منهم مستنين ابن الحلال اما يجي بعصايته السحرية يسعدنا و بعد ما يحصل انا لما أكون ام هابقى سعيدة و فى زوجات تستنى من ازواجها يسعدوهم .....و فى اللى معلق سعادته بالعربية اللى نفسه فيها لما يجيبها هيكون اسعد انسان و فى اللى معلق سعادتة بشقة الاحلام لما تيجى ، انا لما أشتغل الشغلانه دى هاكون سعيد انا لو سافرت البلد دى هاكون سعيد و امثلة كتيييير ..لكن بيتحقق اللى مستنينه يسعدنا لكن يوم او يومين و نستتى حاجه تاتية متخيلين انها هتسعدنا ، هى بتكون سعادة وقتية كمان لان السعادة عمرها ما كانت بتغذية خارجية السعادة تكمن جوانا احنا و لو مش موجوده جوانا و نعرف نسعد نفنسنا بنفسنا عمرنا ما هنكون سعداء زى ما نتمنى .
و دي أفكار للسعادة اتعلمتها من تجاربي فى رحلة البحث عن سعادتي :
١_عددى النعم فى حياتك و اشكري ربنا عليها اول ماتصحي و قبل ماتنامي
٢_ اطبخي لنفسك حاجه بتحبيها و استحضري نية
٣_ اطعام الطعام يا سلام اما تحضري وجبات و تنزلي توزعيها على الناس او توزعي مية ساقعه في الحر ده علي البياعين في الشارع
٤_ اشتركي فى چيم او مارسى رياضة فى البيت او امشى نص ساعه
٥_ تنفس عميق فى خمس عدات او أد ماتقدري و احبسيه و بعدين خرجيه بهدوء فى نفس العدات او تنفسي بعمق بدون عدات حتى(تتفس الاطفال)
٦_ اشغلي نفسك بما ينفعك فان لم تشغل نفسك بالحق شغلتك بالباطل و بالافكار السلبية
٧_ اسعدى من حولك بحاجات بسيطة او كلمات جبر خاطر هتحسي بسعادة لا توصف
٨_ التعلم ثم التعلم اتعلمي شيئ جديد او نمى هوايتك و اكتشفي هوايتك لاول مره ايه هى و شغفك ايه . ايه بيسعدك و تنبسطى و انتى بتعمليه ماتحسيش بالوقت
٩_توقفي عن مقارنة نفسك بالآخرين
١٠_توقفي عن جلد ذاتك و احترمي بشريتك احنا مش ملايكه
١١_ كافئي نفسك على كل انجاز مهما كان صغير
١٢_ قدري نفسك و حبيها و اعطيها ماتستحق من تقدير و حطي نفسك في حساباتك الناس تحطك في حساباتها
١٣_ اخيرا نامي وقت كافي
إرسال تعليق