بقلم / عماد فرح رزق الله
**********************************
يا طمَّاعين ف الدنيا اطمعوا
فى الغدر أساتذه
وعمَّالين فيه تبَّدعوا
يارب لربنا تِرجعوا
لو ربنا مارحمكوش
أكيد فى النار هتولعوا
هتطلعوا عرايا منها
مهما فلوس تِجمعوا
مهما تِزرعوا أو تِقلعوا
ساعة الغُسل كل شىء هتقلعوا
موبايل ..فلوس ..وساعات
وحاجات أو محتاجات
كل دى م الممنوعات
هتتلف بس..... ف كَفَن
والبيت ..مش هتاخد غير العفن
ارجع يمكن تبقا توبه
*********************
كان قبلكوا ياما جبَّارين
فى التاريخ ...مذكورين
وف الدنيا دُول سمَّعوا
شوف الآخره كانت ايه؟
شوف المصير يوم ودَّعوا
النمرود مضروب بالنِعال
وفرعون وهامان بالغَرق
وقارون بدارُه ...اتخسف
وربنِّا بعاد وثمود ...عَصَف
*********************
الأخ لأخوه ............وأكل
والإبن حرق أمُه.... وقَتَل
ومن الكُره زرع ...وشَتَل
والغَبِّى مِن ....حَبل المَسَد
بَرَم البُرَم............... وفَتَل
********************
ياللى بتاكُل .....مال أخوك
والله انت خاين ...مش بَطَل
ولا عُمرك هتشبَع فى يوم
ولا هيبارك لك......... ربِّنا
ولا هيسامحك مهما حصل
ولا هيسامحك مهما حصل
إرسال تعليق