U3F1ZWV6ZTI4MzIwMDE5NjkzNTY5X0ZyZWUxNzg2NjcxNzI3OTEzMA==

الرزق مش كله فلوس- جريدة الهرم المصرى نيوز

الرزق مش كله فلوس.

 

كتبت دكتورة صفاء مختار.

بتعدى الأيام والسنين وفي كل يوم بتأكد أن رزق حب الناس أكبر وأجمل كتير أوى من رزق الفلوس ...

بس ده مش معناه أن الفلوس وحشة أو مش مهمة...لا طبعا خالص بس حبها وأستعبادها للبعض وحش جداً..

الفلوس رزق ربنا كتبه لكل واحد فينا ملناش يد في كميته أو ميعاده..بس المطلوب مننا السعى وبذل الجهد إللى يرضينا علشان نقدر نوفر أحتياجاتنا أحنا وولادنا وإللى ربنا بيرزقهم عن طريقنا.

بس تعالوا بقي نشوف رزق جميل كبير جداً رزق ولا كنوز الدنيا..

حب الناس وجبر خاطر ربنا لك من خلال محبة خالصة في وقت فعلاً بنكون تعبانين وفجأة نلاقي حد بيطبطب عليك بحضن كلمة حلوة وهدية بتعشق تفاصيلها.

لما تبقي من جواك بتعامل الناس بنيه صادقة وقلب أبيض وبتتمنى الخير للكل وتشكر وتحمد ربنا علي كل خطوة فيها ستر وجبر خاطر وبركة.

الدنيا دى مش حتتغير وحتفضل الثوابت تتغير إلا ثوابت ربنا إللى مفيهاش تغيير.

الحياة مليانة خير وشر ومليانة ضحكة ودمعة بس المهم والأهم من كل ده أنت شايفها وعايشها إزاى .

حب نفسك ووحب الدنيا ومتظلمهاش علي أى حاجة تحصل مش علي مزاجك وهواك ..

أمشي في طريقك وملكش دعوة بإى حد بس خلى في رزقك نصيب لغيرك وخلى ربنا في قلبك وروحك لأن رزقك في السماء والأرض بإذن منه هو وبس .

تعليقات
ليست هناك تعليقات
إرسال تعليق

إرسال تعليق

الاسمبريد إلكترونيرسالة