بقلم /احمد السيد جاب الله
البحث العلمى أساس التقدم فى الأمم
عايز تعرف يعنى إيه منطق القوة يحكم .. اقرأ المقال ده
مبدئيا كده #القوة هنا قوة #السلاح اللى أساسها قوة #العلم
تخيل بقا إن فى أقل من دقيقة ، #الولايات المتحدة الامريكية نزلت على #إيران مايقارب ١٠٠ طن متفجرات !
إيه اللي حصل بالضبط!!
٦ قنابل من نوع GBU-57 «MOP»، وزن الواحدة ١٣.٦ طن، انضربوا من قاذفات B-2 الشبحية اللى الرادار مايعرفش يرصدها .
كل قنبلة بتفكر بنظام #الذكاء_الاصطناعى بشكل متطور عن اللى انت بتشوفه فى الكمبيوتر ولا الموبايل
تخيل القنبله دى وهى فى السقوط بتحلل طبقات الصخر، وتختار لحظة التفجير على عمق يوصل لأكثر من ٦٥ متر فى عمق الجبل
فى نفس الوقت بقا، الإنترنت فى إيران اتقطع.
أصل #الاستخبارات الأمريكية عملت هجوم #سيبرانى قبل الضربة بدقايق ، عارف الهجوم ده عمل ايه ؟
محطات الاذاعة و التليفزيون اتوقفت ، الدفاع الجوى اتعمى ، الدولة اتشلت رجعت لما قبل التاريخ
منشأة #فوردو دى مبنية على عمق من ٨٠- ٩٠ متر فى قلب الجبل ، قرأت عنها كثير وبينى وبينك كان عندى شكوك فى إن قنبلة ممكن تدمرها
العلماء المتخصصين نفسهم كانوا واثقين إن الجبل فى حد ذاته هيكون أقوى درع.
الـ 57 -GBU اخترقت الجبل، وبعدها موجة انفجارية حولت أجهزة الطرد المركزى لخردة.
اوعى تفتكر إن عملية الضرب دى طلعت فى دماغ ترامب كده ، لا يافندم العملية دى متخططة من شهور من خلال أقمار صناعية حرارية قاست حرارة المفاعلات، وخوارزمية فى البنتاجون قارنت البيانات واختارت اللحظة اللى تكون فيها الطرد المركزى شغالة عشان الخسارة تكون أقصى درجة .
ده معناه إيه ؟
ده معناه إن إيران دلوقتى بتواجه أسوأ سيناريو منشآت مشتعلة تحت الأرض، وشبكات إلكترونية مخترقة وصواريخ فى السماء واقتصاد بيتدمر
#إسرائيل هتفضل مديونة لدونالد #ترامب بالفضل فى تاريخها كله بسبب اللى عمله ده
شوفت قيمة العلم بيعمل إيه .. يقوم دول ويهد دول
أخبار العلم بقا والبحث العلمى فى بلدنا إيه ومش بلدنا بس فى #الشرق_الأوسط كله .. اعتقد الإجابة مرعبة اكتر منها مؤلمة
إرسال تعليق