بقلم /رمضان عبدالله أحمد
عضو اتحاد كتاب مصر
اطمّن أنا عايش بيك
اوعى تفكّر إنّي ناسيك
ولا أبدا هاتجيني ف يوم
تلاقيني بفكّر غير فيك
كل فرحة وأنا وياك
كل حلم حلمته معاك
همساتي كانت لهواك
كل العمر وهبته انا ليك
اطمّن أنا عايش بيك
فاكر نغمة جت ف كلامك
والدفا اللي كان ف سلامك
وعتابك برضو وملامك
والفرحة الباينة ف عينيك
اطمّن أنا عايش بيك
لانسيتك ولا عمري أنساك
دا انا بتمنى في يوم ألقاك
نبض الحبّ بيترجاك
ياما نَدَهت بشوقي عليك
اطمّن أنا عايش بيك
كل سكة مشينا فيها
كل همساتنا ومعانيها
كل نبضاتنا وأغانيها
كل لمسة من ايديك
اطمّن أنا عايش بيك
احساسي إنّك ويايا
جاي تكمّل أحلى حكايه
خلي قلبك يبقى معايا
ويا القلب الدايب فيك
اطمّن أنا عايش بِيك
-----------
بقلم /رمضان عبدالله أحمد
الله ينور عليك شاعرنا الجميل مطربنا العظيم
ردحذف