U3F1ZWV6ZTI4MzIwMDE5NjkzNTY5X0ZyZWUxNzg2NjcxNzI3OTEzMA==

نسيم الحرية - جريدة الهرم المصرى نيوز

نسيم الحرية

 


بقلم /

    راندا رشاد


 سنين عمري اللى فاتت حبست نفسي حبس إنفرادي و مع إن المفتاح مكنش مع حد غيري إلا إني مفكرتش أحرر نفسي ! !

  ليه و إزاي... ؟ 

طول عمري متعلقة بأمي تعلق مرضي إذا كانت ماما مبسوطة أنبسط و لو حزنت أحزن ، أشوف هتنبسط من إيه و أعمله و كبرت حبة بقيت أتعلق بزميلتي فى المدرسة لو يوم مجتش المدرسة أحس إني تايهه و متضايقه و نفس الحال في الكلية ، و زيه في الشغل و لحد ما جيه أكبر تعلق تعلقي بزوجي الله يرحمه كنت دايما في حالة إنتظار ...إنتظار مكالمته و إنتظار رسايله و إنتظار رجوعه من السفر و إنتظار ضحكته ...،...، إنتظااااار ..

التعلق هو سجن المتعلق بيحبس نفسه حبس إنفرادي فيه بكامل إرادته و يتسرق منه عمره و حياته و هو بيدووور في فلك المتعلق بيه و في إنتظاره دايما و إنتظار أفعاله عشان يكون جزء منها ،

التعلق مش شرط بأشخاص ممكن تعلق بحلم  فإنك تكون أسير الحلم ده مش قادر تمشي في حياتك عادي ،

أو ممكن حتى تعلق بأكلة معينة أو حاجة بتحبها  ممكن تكون بتضر صحتك و مصمم عليها...

لو فكرت هتلاقي التحرر عكسها التعلق ، إسأل نفسك إنت في ادأي حالة منهم؟

 وحالتك دي بتحسن جودة حياتك ؟ و بتخليك تحقق مراد ربنا منك و اللا العكس ؟؟

كسر القيود اللي رابطها بينك و بين أي حد و أى حاجه حابس نفسك جواها

إفتح سجنك و حرر نفسك من أي تعلق مرضي و إتنفس نسيم الحرية و إستشعر أحلى معنى ربنا خلقنا عليه و عيش  حياتك و تعلق بالله رب الكون و بس و هي دي الحرية في أفضل صورها .

تعليقات
ليست هناك تعليقات
إرسال تعليق

إرسال تعليق

الاسمبريد إلكترونيرسالة