كلمات /محمد الزعيم
نائب رئيس قسم الأخبار.
مسافر عشان القى نفسى بعيد
وتايه في غربه وسنيني تزيد
لا شايف رجوع ولا قادر اعيش
وكل يوم يعدي مافيش اي جديد
ولادي واهلى وحبايبي هناك
وزادي اني اشوفهم وكلي اشتياق
وحالي بيصعب عليه اكيد
حقيقى اللي قال الغربه سواد
وبيني وبينهم مسافه وبلاد
يارب يا عالم بحال العباد قرب وهون كل الصعاب
يا غربه اخدتي اعز ما لينا
شبابنا وعمر عدى علينا
وسايبه جروح وعذاب تاني فينا
كآبه ومآسى وحزن مالينا
فلوس مهما كانت كتير بلا قيمه
لا تقدر تعوض سنيني القديمه
ولا حتى تسعد قلوبنا الحزينه
ياعالم هنرجع نلاقى حياه
ولا هنلقى الحلم تاه
يا قلبي سلامتك كفايه وجع
سلامتك سلامتك من ألف آه
يا غربه غريبه غرابة سنين
يا وطني البعيد انا كلي حنين
لا عارف اقرب منك واعيش
في بعدك اجيب تاني صبر منين .
إرسال تعليق