بقلم : مسعد سليم
الطَّريق دا أخرُه ضَلمَه ..
أيِّ صاحب عقل عارف !!
عُمْر لِيلُه ما كان لُه قَمَرَه
حتى وحلُه تملِّي جارِف
ليه رضيتوا تبقوا أهلُه !!
ليه نزلتوا بكيفكوا نَهرُه ..
ليه دفعتوا حياتكوا مَهرُه
هو كان العقل تالِف !!
يعني إيه بَهرب معاه ..
وانسى كل شيء تاعبني
رغم إنِّي لامس أذاه ..
حتى غدرُه كتير راعبني
موت وشايفُه على البطيء
كل يوم وعاملي ضيق ..
لمَّا مِنُّه بقيت مُسِيء ..
وان بَعدت أوام يجيبني
إيه جابركُم عالمَذَلَّه !!
ليه تخونوا بأيدكوا روحكُم
الشِّريط مليان أدلَّه ..
مافي شىء نِضيف مَنحكُم
عيدوا حساباتكُم دقيقَه
شوفوا بعينكوا الحقيقَه
صَحُّوا ضمايركوا البَريئَه
واقفِلوا صفحات جروحكُم
كلمات راقيه بالتوفيق دايما يارب
ردحذف