بقلم سفيرة الشعر العربى
الشاعرة / دانيالا لطش
خلّت روحي عم تتمرجح
فوق البحر نوارس قلبي عم تتسبح
وربيعي زهّر و طيّر ورداته
بدرب عمري كل زهوره عم تتفتح
هاللحظة فيها تمنيت الزمن يوقف
لما إيدك لمست إيدي قلبي فرفح
صدى نبضي عم يردد ضحكاته
واللي انكسر بحياتي بلحظة تصلح
*** *** ***
انا من لما غابت الشمس
اخر مرة من زماااان
بإيامي ماعاد شرقت
وفجأة انت جيت
من أي زمان
ضويت النور
وعتماتي احترقت
حبيتك من اول نظرة
وانت ياحبيبي كمان
وغنّت بقلبي الفرحة
وعزفت أوتار الكمان
عم ترقص دقات القلب
من لما حسّ بهالحب
وعم ارقص ع دقة قلبي
بوجودك يااحلى شب
هالصدفة اللي جمعتنا
بوقت مابيخطر عالبال
وحدة حال لمّتنا
وفيها تبدلت الاحوال
حبيِتك يانبض قلبي
وصرتي بحياتي إدمان
هيك انت قلتلي
وجاوبتك انا كمان
إرسال تعليق