أنصاف الرجال - جريدة الهرم المصرى نيوز

 

بقلم/فرنسا الشناوى 

البنت كملت 3 سنين .

_  تعمليها تدخل الحمام لوحدها وتفهميها يعنى ايه عورة وممنوع يكون باب الحمام  مفتوح وتعلميها أن العرى من الشيطان.

 ولو خايفه تدخل الحمام ادخلى معاها واقفلى الباب. وطمنيها أن الحمام مفيش فيه حاجه.

علميها ازاى تغسل كويس ولازم تغسل ايديها بعد الحمام بالصابون. 

- لو عندها اخوات اكبر منها ممنوع تقلع امامهم مهما حصل ولو حصل تنبهى عليها ثلاث مرات بعد كده لوقلعت لازم تتعاقب عقاب شديد عشان لا تتعود تقلع فى اى مكان 

  

- ممنوع الاولاد يستحموا مع بعض خاصة البنات والصبان بحجة لسه اطفال.

- فرقى بينهم فى المضاجع ٩٥٪ من زنى المحارم من النوم تحت غطاء واحد. 

- ممنوع تلعب مع الصبيان خاصة لما يكونوا بالغين او فى سن المراهقه. 

من خمس سنين 

-  ممنوع حد يلمس جسمها فى مكان معين ولو حصل اول رد فعل شخصى من الطفلة هو الضرب والصريخ بدون مقدمات.

وتعلِّميها إزاي تضم ايديها وتضرب فى الأنف ..

- من سبع سنين وطالع ممنوع حد يبوسها من صحاب بابا أو الجيران أو المعارف نهائيا .. بس العم أو الخال أو الجد وبحضور الأهل ..

لو بتروح المدرسة فى باص المدرسة متركبش من غير مشرفة مهما حصل حتى لو تغييب الطفل أو توديه بنفسك .

خلى بالك 

الغلطة الممكن يتعرضلها طفل فيما يخص التحرش كفيله انها تؤذي نفسيته مدى الحياة... ولا يبرأ منها طول حياته.