اهلا بيك فى جريدتنا / الهرم المصرى نيوز
١ / حدثنا عن سيرتك الذاتية ؟
=محمد مصطفي مؤمن
مواليد دمياط ١٩٩٩
كلية اداب قسم تاريخ جامعة دمياط
مؤلف و شاعر بالعامية المصرية
٢/ متى اكتشفت موهبتك الكتابية ؟
=وقت ما كنت بدون خواطر و بدأت اشاركها على مواصل الاجتماعي و لقيتها انتشرت لانها كانت قريبة للكل أوي من هنا بدأت احس اني بقدر أوصل بقلمي لناس كتيرة
٣/ حدثنا عن طموحك وما تتمنى تحقيقه فى المستقبل ؟
=طموحي هو ان كتبي و نوع فني يوصل لاكبر فئة شبابية نفسها تتثقف ومش بتعرف بحكم ظروف مش بأيديها بقا / اتمني اقول شعري فى حفلات الكل يسمعها و أوصل لابعد مدي من وصول فني للناس
٤ / حدثنا عن عملك الاخير وعن فكرته فى العموم ؟
=ديوان شعر بالعامية المصرية بعنوان "شتواية"
بيتكون من شوية قصائد عاشها الشاعر بتجربة حقيقية و كتبها بحروف ممزوجة بمشاعر صادقة بتعبر عن أشخاص يريدون رؤية مشاعرهم مكتوبة على الورق
٥/ كم استغرقت من الوقت فى كتابته ؟
=نقدر نقول سنة ممكن
٦ / هل فى وقت معين بتخصصه للكتابة ؟
=لا خالص مفيش وقت ، دة بيتوقف على ساعة الالهام أو ملّكة الكتابة ممكن يكون الفكرة موجودة بس مفيش ساعة إلهام أو ملّكة ف الكلام مش بيطلع خاصة لاني كاتب تجارب حقيقية
٧/ النشر الالكترونى بقى منتشر بشكل كبير فى الفترة الأخيرة هل جربت انك تنشر نصوص الكترونياً؟
= بصراحة حاولت ولكن كنت كل مرة بتأخر لاني مش بحسها ممكن تأثر فى حد زي تأثيرها فيه ورقيا
بتفضل الكتابه بالعامية ولا الفصحى ؟
= والله الاتنين بفضل و بلاقي نفسي فيهم ، لاني زى ماقولتلك انا بجسد مشاعر بتجارب و مواقف حقيقية فا على حسب اللى هكتبه كان مود بتاعه اى ، المهم ان يطلع بالصورة اللى عاوز اقدمها سواء بقا فصحى او عامية ، على سبيل المثال الشعر افضله عامية مصرية و النثر يكون فصحى
٩ / ايه الصعوبات اللى واجهتك -- وهل أثرت فيك ولا كانت دافع انك تكمل ؟
=هي عدم تبني فكرتي فى كل الطرق ، سواء بقا مهاجمة من محافظتي او نقد اساتذتها الهدام فى اسلوب كتابتي او طريقة كتابتي او طريقتي الحديثة الىى مكنش حد قادر يستوعبها وقتها / احباط شديد من اقرب الناس ليا و دة مأثرش عليا بالعكس دة خلاني مستسلمش لاي صوت قالي لا و خلاني عافرت لحد ماوصلت الحمد لله
١٠/ مين الكتاب اللى تأثرت بيهم وباسلوبهم بشكل كبير ؟
_والله مش حد بعينه انا بحب أكون أنا بحب أكون شخص مختلف لان الاختلاف هو اللى بيميز كاتب عن التاني
١١/ عندك مواهب تانية ؟
١٢/ نصيحة للكتاب المبتدئين ؟
= ماتستسلمش ، و اقرأ كتير عشان القراءة الكتير هتخليك كاتب كبير قدام و دايما خليك صبور
١٣/ كلمتك للمحررة وللجريدة
= شكرا استاذة سحر و بالتوفيق حضرتك محررة كويسة حقيقي الحوار كان ممتع جدا و الاسئلة كمان/ كل الشكر جريدة الهرم المصري نيوز للدعم دة و ان شاء بالله فى تقدم و نجاح دايما
شكرا جدا لحضرتك نتمنى ليك دوام التقدم وفى انتظار عملك الجديد اللى هينضم لقائمة أعمالك المميزة وبإذن الله الجريدة واعضائها هيكونوا اكبر الداعمين ليك تشرفنا بوجودك معانا
الصحفية / سحر محمد
إرسال تعليق