بقلم / هانى آدم
مع بعض قبل ما تنتهى فرص الزمان
قبل المكان
ما يشد ورق الإمتحان
و يسيبكوا قاعدين فى إنتظار
أسوأ نتيجه
إتكلموا و لو كام دقيقه
كل إللى راحوا كان نفسنا نفضفض لهم
نسهر ليالى فى ضلهم
كل إللى مات قتله السكات
و لا عمر ميت قال كلام
إتكلموا لو حتى كان
كلامكوا هيفتح جروح
فاكرينها دابت فى النسيان
كلامكوا فيها هيداويها
و يزرع الورد فى غيطان
بر و إحسان
كل إللى عافروا عشان يلاقوا
النور حبايب
مكملين
و إللى سافروا بعيد و هم قريبين
ماتوا من سكات
مش م الكلام
إتكلموا
#هانى_آدم
إرسال تعليق