بقلم / ندى يحيى
كلنا لاحظنا فى الآونة الاخيرة زيادة مُعدل الجريمة بشكل كبير جدا وزايد بل ومُبالغ فيه - وجرائم جديد علينا نسمع عنها وجرائم تقشعر لها البدن من فظاعتها .
من وجهة نظرى إن غياب الدين هو العامل الأساسي لزيادة معدل الجريمة ويليها غياب الأخلاق والتربيه .
منطقي إن لو الإنسان علاقته بربنا قوية وصادقه هيخاف كل الخوف إنه يسرق أو يقتل أو يأذي أو يغتاب أو .. أو ... إلخ
غياب الدين وغياب العلاقة مع الله سبحانه وتعالى بتجعل من الإنسان شخص فاسد غير سوى - شخص قادر على فعل اى جريمة بدون تأنيب ضمير - شخص قادر على التخلص من حياته أو حياة الآخرين بمنتهى السهولة ..
شخص سهل جدا التأثير عليه لعمل اى شيء مكروه سواء التأثير من إنسان او حتى شيطان أو حتى وساوس النفس .
قال تعالى
"وَمَنْ أَعْرَضَ عَن ذِكْرِي فَإِنَّ لَهُ مَعِيشَةً ضَنكًا"
يعني الآية بتأكد إن البعد عن ربنا مش بس بيجيب ذنوب وجرائم، لكن كمان بيخلي حياة الإنسان كلها هم وضيق، ومصيره صعب فى الدنيا وفي الآخرة أصعب .
الحل إيه ؟!
العقل والمنطق بيقول نرجع لربنا ونتقى الله فى افعالنا وننصح بعض ونساند وندعم ونساعد بعض على فعل الخير وطاعة الله سبحانه وتعالى .
وكمان نربى أولادنا كويس عشان ننقذ جيل كامل جاى أيامه وزمنه لا يعلمها إلا الله وحده .
ختامى أخيراً قوله تعالى
"فَفِرُّوا إِلَى اللَّهِ إِنِّي لَكُم مِّنْهُ نَذِيرٌ مُّبِينٌ"
يعني فعلًا: مفيش أمان ولا نجاة من قضاء الله إلا بالرجوع لله نفسه - و إنا لله وإنا إليه راجعون .
إرسال تعليق