بقـلم || يـارا عبدالقـوى
الحقيقة إن المواطن البسيط شايف إن الرئيس مش مطلوب منه يمشي ورا كل موظف.. لكن مطلوب منه يرسّخ منظومة قوية للرقابة والمحاسبة.. ويختار قيادات نزيهة.. ويضمن إن القانون يُطبَّق على الكبار وأتباعهم قبل غيرهم من الصغار ..
الفساد مش مجرد تصرفات فردية، الفساد منظومة بتعيش لما مفيش حساب حقيقي..
ومكافحة الفساد مش مسؤولية الموظف الغلبان بس.. دي في الأساس مسؤولية القيادة العليا.. اللي تقدر تحط سياسات واضحة تمنع التلاعب و وتحقق العدالة.
✨مطلوب إن الدولة تضمن وجود منظومة تمنع أي مجموعة من التلاعب أو التضليل أو الظلم ..
❓الفساد مش دائماً فعل فردي.. ساعات بيكون جماعي .. زي لما أكتر من شخص يتفقوا على توقيع أوراق باطلة أو شهادة زور علشان يظلموا حد بريء أو إنسانة بريئة ويحرضوا ضده/ها ولاسيما منعدمي النخوة من الذكور و الناقصات من الإناث .. عصابة كاملة بتتفق علي زور و باطل ده فساد أخطر من الفساد الفردي، لأنه بيكشف إن فيه بيئة كاملة بتغطي الغلط وتدي له شرعية.
🏹 الحل مش إن المواطن يتعاقب لوحده، الحل في:
👇🏻اختيار قيادات نزيهة ترفض الغلط من جذوره.👇🏻وجود رقابة حقيقية ومستقلة.
👇🏻محاسبة جماعية لأي طرف يشارك في الفساد، مهما كان العدد أو المنصب. ولاسيما المنافقين الذين يتدارون بعباءة التدين الظاهرى وهم مختلسون و متسلقون أو غيرهم من مدعي الوطنية الزائفة تحت الطلب.
المواطن الشريف عايز يشوف خطوات عملية:
✅مؤسسات رقابية مستقلة فعلًا متخافش من حد ولا تتأثر بعلاقات و مصالح ❗
✅اختيار قيادات نظيفة بإيدك.. وتكون قدوة للناس.مش مرتشين و مختلسين وبيجاهروا بمعاصيهم لانهم علي ثقة بعدم محاسبتهم للأسف ❗
✅شفافية في التعيينات والقرارات.
✅محاسبة علنية و واضحة للفاسد الحقيقي مهما كان منصبه مش التلفيق للشرفاء و الكيد.
ساعتها الناس كلها هتلتزم تلقائياً .. وهيبقى في أمل حقيقي في الإصلاح..
⚖️ العدل إنه يبقى فيه نظام أقوى من أي موظف أو مسؤول ظالم .. يمنع الفساد قبل ما يحصل .. ويحاسب عليه وقت ما يحصل ..
"المصريين الشرفا النادرين محتاجين يشوفوا عدل حقيقي يطمنهم إن بلدهم بخير"
تعيش مصر قوية امنه تحت قيادة فخامة السيد الرئيس عبدالفتاح السيسى
بالتوفيق مقال متميز نبض المواطن وموقع محترم مصداقية
ردحذف