بقلم المستشار الإعلامي /
حسين محمود الليثي
بعد حب كبير وعشره
بعد حلم وأمنيات
فجأة تلقى خلقة كشره
لوية بوزها بالساعات
الرجل يتعب ويجري
وعايشة يومها مسلسلات
مرة هندي ومرة تركي
عايشة فيها دور نهاد
لما يرجع بيته يلقي
العشا دا طبيخ وبات
لو يعاتب ولا يشكي
ردها بالإفهات
كنت حابه أشوف مهند
وقتى منى يا حلو فات
إهدى بس يا خفة واهمد
عايزة أنام لى لو ساعات
العيال تاعبين فى قلبي
ما أنت عارف دول بنات
لو تلومنى مش هاتخلص
هم وامسح من سكات
ولا تغسل قبل ما أنسى
واوعى تنسى الكوبيات
ولا أحسن صوتى يعلى
والجيران تسمع يا واد
ماشي هاغسل بعدين أمسح
العتاب أوانه فات
هس خالص مش راح اسمع
قلت نفذ من سكات
ولا ألم هدومي وأمشي
وأشتكيك بالمنقولات
والعيال برضو فى حضانتى
ولا ناسي الذكريات
من شهور كنا في محاكم
حبس ، نفقة ، وتقريرات
دا أنت ياض أدام ملاكم
خبطة واحدة تجيب عاهات
قام ساعتها فى وضع صامت
يدعى ودماغه في شتات
يقول جوازه ياريت ماكانت
كرهتني في البنات
😄😄😄😄😄😄😄😄😄😄😄😄
إرسال تعليق