الغربية/ مــــحــــمـــد صـــبــــحــــي
في وسط دخان الحريق وصوت الانهيار.. ظهرت رجولة وبطولة رجالتنا من الحماية المدنية بالمحلة.
واحد من المصابين حكالي:
"في ضابط اسمه البحيري كان بيجري في كل اتجاه، بيحاول ينقذ الناس من غير ما يفكر في نفسه.. كأن قلبه ميت ومش خايف.. لحد ما البيت وقع بيهم وهو لسه بيحاول يساعد اللي حواليه.. حتى لحظة نقله للمستشفى كان وسط المصابين."
واتحكت قصص عن الرائد عمرو الزغل، بطل من أبطال الحماية المدنية، اللي فضل يحارب النيران بكل الطرق، وبيسيب راحته عشان الناس، لحد ما اتصاب واتنقل للمستشفى.
وكمان الملازم أول محمد عماد اللي أنقذ أرواح كتير وقت الحريق.. حكاياته اتسجلت في قلوب الناس قبل ما تتسجل في السطور.
التلاتة دول دلوقتي في مستشفى الرواد، معاهم أبطال تانيين من أفراد الحماية المدنية.. كلهم محتاجين دعواتنا يرجعوا لولادهم وبيوتهم بالسلامة.
وما ننساش شهداء الواجب اللي ضحّوا بروحهم.. ربنا يرحمهم ويصبر أهاليهم على فراقهم.
تحية احترام وتقدير لكل ضباطنا ورجالتنا..
وشكر لمديرية أمن الغربية على تضحياتكم.
إرسال تعليق