كتب دياب ابو العطا احمد
. وأمريكا صوتت بالفيتو ضد العالم كله برفض قرار وقف إطلاق النار في غزة، وسمحت باستمرار الإبادة!
وبعدها مباشرةً باكستان في تصريحات رسمية طلبت انشاء "ناتو إسلامي" لحماية المصالح الإسلامية، ومصر وتركيا أعلنوا عن تعاون ومناورات عسكرية مشتركة مع بعض لأول مرة، والصين كمان طلعت بتصريحات رسمية مفاجأة وغير مسبوقة بإن جيشها جاهز للتوسع في العالم كله!
ال 24 ساعة اللي فاتوا دول حصلت فيهم تطورات كتير مهمة، ممكن لو بصيتلها من بعيد تفتكرها متفرقة.. بس الحقيقة ان في خيط كبير بيربط ما بينهم كلهم، والخيط ده لو فهمته هتقدر تستوعب ان العالم فعليًا بيتغير قدام عيونك دلوقتي وانت بتقرأ السطور دي... والتغير ده ممكن يبقى معناه أخطر مما تتصور...
تعالى أشرحلك القصة كلها من البداية، وخلينا ناخدها مع بعض واحدة واحدة... .
أول حاجة حصلت النهارده، هي ان في أربع جنود إسرائيليين اتقتلوا في رفح بتفجير ضخم دمّر مدرعة هامر بالكامل...
التفجير ده حصل بسبب عبوة ناسفة اتزرعت في طريق المدرعة بتاعتهم، وانفجرت فيهم أثناء ما هما كانوا معديين في مهمة روتينية رايحين يأمنوا منطقة في القطاع أو ينسفوا مبنى أو أي حاجة من الحاجات الأخلاقية بتاعتهم... وبمجرد ما المدرعة انفجرت وانتشرت ليها صور وهي محروقة بالكامل، وبدأ الاحتلال يبعت طيارات إجلاء وفرق طبية، اتمنع النشر عن الموضوع...
🔹️ والموضوع موقفش هنا...
بعدها بساعات، على الحدود الأردنية–الفلسطينية، حصلت عملية تانية غير مسبوقة... مواطن أردني كان داخل بشاحنة على معبر الكرامة ما بين فلسطين والأردن، وفجأة وبدون مقدمات فتح النار على الجنود الإسرائيليين اللي واقفين يحرسوا ويفتشوا الشاحنات...
الرصاص اللي اطلقه نتج عنه انه قتل جندي، وجرح عدد من الجنود التانيين... بس الراجل كان عاقد العزم على تحقيق أكبر ضرر ممكن، ولما الذخيرة بتاعته خلصت، طلع سلاح أبيض وطعن واحد تاني من الجنود وقتله قبل ما يستشهد بعدها برصاص الاحتلال...
العملية دي بالذات عاملة قلبان دلوقتي في الإعلام الإسرائيلي، قريب من القلبان اللي حصل وقت ما المجند المصري محمد صلاح دخل بردو من الحدود وقتل 3 جنود اسرائيليين..
إرسال تعليق