U3F1ZWV6ZTI4MzIwMDE5NjkzNTY5X0ZyZWUxNzg2NjcxNzI3OTEzMA==

الكاتبة كوثر اسماعيل تكتب الطفل العنيد - جريدة الهرم المصرى نيوز


 


بقلم _كوثر اسماعيل 

( كيفية التعامل مع الطفل العنيد) :-

اولا:- لازم نكون عندنا معلومة ان العناد شئ طبيعي عند الاطفال نتيجة مرحلة النمو النفسي اللى بيمر بيها الطفل لان المرحله دى بتساعدة على احساسه بالاستقرار وبالثقة وانه عاوز يكتشف نفسه وقدراته وبأن احتياجاته مشبعه.

  ..ولكن بتختلف نسبة العند من طفل لآخر على حسب طريقه تعامل الاهل مع سلوك العند . 


ثانيا:- ايه هى اسباب السلوك دا ؟

١- انى اطلب من الطفل حاجه هو مش حاببها ومش عاوز يعملها 

٢-ان كتير من الاباء والامهات مش بيشبعوا احتياج الطفل انه يعتمد على نفسه ،مثلا بنلاقى الطفل عاوز يشرب لوحدة فمعظم الامهات بتمنعه انه يعمل دا 

٣-كثرة الاوامر للاطفال .... احنا ككبار مش بنحب حد يفرض علينا اوامر مابالنا بالطفل بقى 

٤-القسوة والاهمال 

٥-كثرة تلبيه طلبات الطفل وخصوصا لو انى هجيبله الحاجه دى اما يبكى ويلح عليها و ودى حاجه هتخلى الطفل يعاند اكثر لانه عرف خلاص و تملك من مفتاح هيجيبله اللى هو عاوزة

٦-كثرة الخوف والقلق وخصوصا لو الطفل بيتعرض انه يشوف الام والاب فى مشاكل وصوت عالى دا بيخلى الطفل عصبي 

٧- ممكن الطفل بيمارس سلوك معين علشان يلفت الانتباه لانه عاوز يحس انه متشاف وان ليه وجود


ثالثا:- ايه اللى المفروض اعمله مع الطفل العنيد؟

١- امنعوا الاوامر الكثيرة المباشرة   

٢-اتكلموا مع طفلكم انه شخص كبير وتتناقشوا معاه عن مدى سلبيات الشئ اللى مصمم يعمله

٣- لو السلوك اتكرر ألجأ الى الحرمان (حرمانه من حاجات بيحبها.. لعبه مثلا ..خروجه.. وهكذا)

٤-اكثر حاجه بقى هتجيب من الاخر ((((القدوة)))) انه يشوف الناس اللى حواليه وخصوصا الام والاب... خلى بالكو من تصرفاتكم كويس امام طفلكم

٥-دايما حسسوا طفلكم انه مرغوب فيه انكم بتحبوة ... احضنووووووة وقربوا ليه لانه بيبقى محتاج لدا محتاج انه يتشاف ويتحضن ويحس بالامان .


""معظم المشاكل النفسيه لدى الكبار سببها عدم سد احتياجات مرحله الطفوله""

#اعرف طفلك

تعليقات
ليست هناك تعليقات
إرسال تعليق

إرسال تعليق

الاسمبريد إلكترونيرسالة